USC hawod sa Shakey’s Girls’ volleyball elims

CEBU, Philippines - Nagmadaugon ang University of San Carlos (USC) batok sa University of San Jose-Recoletos (USJ-R), 28-26, 25-19, 25-18 aron maghari sa Shakey’s Girls  Volleyball League’s Central and Eastern Visayas leg didto sa Aznar Coliseum, ning siyudad.

Tungod niini, ang USC moabante na sa Shakey’s Volleyball League of  Champions, nga gitawag kaniadto og Tournament of Champions nga gitakdang ipahigayon sa sayong bahin sunod tuig didto sa Ynares Sports Arena sa Pasig City.

Ang USC miabante sa championship round pinaagi sa pagpilde sa Pajo National High School (PNHS), 26-24, 25-22 sa crossover semifinal round sa maong torneyo nga gipasiugdahan sa Metro Sports.

Sa ilang bahin, ang USJ-R nakabawi  sa ilang pilde sa second set pinaagi sa pagdaog sa decider aron moiskor og 25-22, 15-25, 26-14 nga kadaugan  batok sa Southwestern University (SWU).

Ang SWU mipahiluna sa ikatulong dapit human midaog batok sa PNHS.

Lain pang mga tunghaan nga nisalmot sa maong kompetisyon mao ang Sacred Heart School-Hijas de Jesus, University of Southern Philippine Federation, Sacred Heart School-Ateneo de Cebu, St.  Theresa’s College, PAREF Southcrest School, Mary Help Christian School ug ang  Don Gerardo Ouano Memorial National High School. (BANAT NEWS)