Mayor Rama nangulo pagdemolis sa CCMC
CEBU, Philippines - Gipakita ni Cebu City Mayor Michael ‘Mike’ Rama ang iyang pagka maayong lider dihang gipangulohan niya ang Mayor’s Office team pagdemolis sa Cebu City Medical Center (CCMC), 89-63 sa 2014 Cebu City Hall Inter-Department basketball tournament niadtong Lunes diha sa Cebu City Sports Institute gym sa Sawang Calero.
Si Rama mirehistro’g 29 puntos, lakip na niini ang walo ka tira gikan sa 3-point arc. Giabagan sab si Rama ni kanhi PBA cager Danny Aying, kinsa mihabwa’g 10 puntos.
Duha sab ka CCMC players ang miiskor og double digits nga gipangulohan ni David Barcenas sa iyang 16 puntos, gisundan ni Jonathan Wong nga adunay 15 puntos.
Kontrolado sa Mayor’s Office team ang kinatibuk-ang duwa human sila moposte’g 20-10 nga bentaha sa first period.
Miburot pa ang labaw sa Mayor’s Office sa mosunod nga tulo ka kuwarter nga nakapaluya sa CCMC.
PUNTOS MATAG USA
MAYOR’S OFFICE (89) – Rama 29, Aying 10, M. Reyes 9, Aniñon 6, Bacullo 6, Jueves 6, Toring 5, Borres 4, Abellana 4, Tabar 4, Magan 4, C. Reyes 2.
CCMC (63) – Barcenas 16, Wong 15, Delgado 9, Manigos 7, Pesole 6, Yu 6, Arquinal 4. (BANAT PALARO)
- Latest
