Alaska D-League himuon karon

CEBU, Philippines - Himuon na karong adlawa ang soft opening sa Alaska Basketball D-League 2014 diha sa Sacred Heart School Mango Avenue campus, ning siyudad.

Kini ang ikatulong daku nga torneyo nga gipasiugdahan sa Cebu Youth Basketball League (CYBL) ning tuiga sunod sa Alaska Basketball Cup Cebu niadtong Enero hangtod sa Marso ug sa CYBL VisMin Goodwill Games niadtong summer.

Matud pa ni tournament director Rico Navarro nga dunay 76 ka teams ang mosalmot sa  D-League 2014.

Dugang pa ni Navarro, nga adunay bag-ong dibisyon gawas sa naandan nga age-groups dihang ang Girls Under 17 division ang gipuno.  Lain pang mga kategoriya nga tigian mao ang Boys Under 17, 15, 12 ug 10 age groups.