Team Cebu City nanghakot og medalya sa Dance Sports

CEBU, Philippines- Misidlak ang host team Dancesport-Team Cebu City human sila nanghakot og medalya sa gipahigayong Cebu Open DanceSport Championship 2014 and 7th Dancesport sa Sugbu niadtong miaging gabii didto sa Waterfront Cebu City Hotel and Casino.

Human sa 15 ka oras nga sinayaway, ang Dancesport-Team Cebu City mikolekta og 21 ka golds, 15 ka silvers ug 17 ka bronze medals.

Bisan pa og wala nila masakiyo ang korona sa premiere amateur open title, namawi ang DTCC human sila midaog sa top modern standard pinaagi nila ni Zijane Troy Villarta ug Zjiana Tracy Villarta. Nakaangkon usab sila og duha ka golds sa amateur closed-Visayas class ug youth 5 dance action.

Sila si Anselmo Estillore ug Mary Desiree Seraga miangkon usab og gold sa latin adult 4-dance ug closed Visayas class, samtang ang tandem nila ni Charlie Camacho ug Marisse Reyes midaog sa senior 1-3 dance ug senior 2-two dance.

Laing mihatud og gold medal alang sa DTCC mao ang tandem nila ni Andrew Ysla ug Noelyn Mie Pedrano sa junor 3-dance ug junior 5 dance battle, Jojit Cabunas ug Ava Sheldin Tagunayon  sa teacher-student 1-3 dance ug Bert Kevin Deluvio ug Jam Flores sa adult 3-dance. (BANAT NEWS)