‘Karunsa’’ molamas sa kapistahan sa Danao City

CEBU, Philippines - Lumba sa dagan maoy molamas sa kasaulogan sa kapistahan sa dakbayan sa Danao karong Septiyembre 14.

Giuloha’g “Karunsa” nga gikuha gikan sa Karansa festival, gibuak ngadto sa lima ka kategoriya -- 1.5K, 3K, 6K, 12K ug 21K.

Ang 6K, 12K ug 21K bukas sa tanan, samtang ang 3K alang lamang sa mga residente sa Danao. Ang 1.5K usa ka walkathon.

Aduna kini registration  fee nga  P700 alang sa 21K, P450 sa 6K, P350 sa 3K ug P250 sa 1.5K.

Mahimong magparehistro sa Danao City Hall, Sago&Food Haus sa Sabang, Danao, ML Gym sa Compostela, Runnr ug Planet Sports sa Ayala Center-Cebu, Toby’s Sports sa SM City Cebu ug Infinitea sa City Time Square.