Ironman 70.3 Phils. sa Aug. 3

CEBU, Philippines - Mobalik dinhi sa Sugbu sa ikatulong higayon ang Cobra Energy Drink Ironman 70.3 Philippines International  Triathlon sa Agosto 3 nga magsugod ug matapos sa Shangri-La Resort and Spa, Lapu-Lapu City. Mokabat sa 1,998 ka triathletes ang mosalmot sa maong kalihukan nga mokober og 1.9-kilometer swim, 90-kilometer bike ug 21-kilometer run.Sa dul-an ka 2,000 ka partisipante gikan sa 40 ka mga nasud, ang top three Pinoy triathletes nga angayan atngan mao silang Banjo Norte, August Benedicto ug Jonald Sael, samtang  sa mga babaye mao si  defending champion Sandra Gonzalez.

Seguradong magkaguliyang ang mga kababayen-an atol sa maong triathlon kay moapil sab ang mga iladong artista  nga sila si Piolo Pascual ug Matteo Guidicelli.  Mosalmot sab si  Senador Pia Cayetano ug Kuya Kim Atienza, samtang mopalabay lang una karong tuiga  ang laing artista nga si Drew Arellano. Ang maong triathlon event salmotan sab sa mga inilang international athletes sama nilang Cameron Brown, ang 45 anyos nga triathlon champion, Caroline Steffen ug ang Pinay nga si Monica Torres.