Kobe misuporta sa lakang sa Lakers
CEBU, Philippines - Bisan og dili maayo'g agi ang The Los Angeles Lakers sa miaging season, mihimo'g lakang ang ilang general manager nga si Mitch Kupchak ug usa niini mao ang pagkuha kang Jeremy Lin gikan sa Houston Rockets ug ingon man sab kang Ed Davis.
Ilang gipapirma og balik silang Nick Young ug Jordan Hill nga gituohang miabot sa above-market deals.
Ila pa gyung gidugang ang rookie power forward nga si Julius Randle nga ilang nakuha gikan sa draft bisan pa sa kwestiyonable ang pagkuha sa mga players sa nagkadaiyang positions.
Gikataw-an sab ang pagkuha sa Lakers kang Carlos Boozer gikan sa Chicago Bulls.
Sa iyang bahin, suportado ni Kobe Bryant ang mga lakang nga gihimo ni Kupchak. Si Kobe nagkanayon “I’m happy with the effort” bisan pa og medyo nabalaka siya sa ilang post-basketball future.
Sa iyang pagpakita sa Television Critics Association press tour aron ipahibalo ang iyang umaabot nga Showtime documentary nga may ulohan "Kobe Bryant's Muse," mibutyag si Kobe nga pabor siya sa mga gihimo ni Kupchak diin iya kining gi-post sa twitter. (BANAT PALARO)
- Latest
