Lucky 40 ug Punta abante sa semis

CEBU, Philippines - Miabante ngadto sa semifinals ang Lucky 40-Guadalupe human ilang gilubong ang AC Sports sa iskor, 72-58 samtang miabante sab sa maong round ang Punta Princesa human sila modaug batok sa Vintage Ball Club sa iskor, 82-74 kagahapon sa nagpadayon nga TBA-Power Forty basketball tournament didto sa Talisay Sports Complex.

Walay nakapiog kang Gaga Cabanilla, ang kanhi utility sa Tribu Sugbo ug amahan ni Dave Cabanilla sa UV kinsa maoy nangu sa dibuynas kaayong Lucky 40 sa iyang 18 puntos samtang laing upat ka teammates ang mibahug sab og double figures.

Si Dodong Abejo maoy nangu sa AC Sports sa iyang 20 puntos.

Sa laing duwa, miburak og 24 puntos si Tony Belande aron pangulohan ang Punta Princesa ug may 23 puntos si Serge Cortes.

Ang semifinals himoon karong umaabot Domingo didto sa Pardo gym diin magsangka ang Lucky 40 ug ang Perez Trucking sa alas siete sa gabii ug mosunod ang sangka tali sa Power Forty batok sa Punta Princesa sa alas nuybe sa gabii.

Puntos matag usa:

First Game:

Lucky 40 (72) —    Cabanilla 18, Monteniel 17, Cainglet 13, Cuyos 12, Soriano 12, Fernando 8, Posadas 5, Labra 2, Gabutan 2

AC Sports (58) —   Abejo 20, Rosaroso 10, Ancot 7, Ledesma 6, Yares 6, Elizalde 5, Piloton 4, Ando 3, Postrero 2, Gabutero 2, Caburnay 2.

Second Game:

Punta Princesa (82) —    Belande 24, Cortes 23, Alesna 13, Arias 12, Reyes 6, Pasana 6, Taboada 2.

Vintage (74)—              Gabiana 17, Rosal 15, E. Cabanero 14, Dela Calzada 13, Cabo 8, Abellana 6, Cabanero 5, Reyes 3, Balorio 2,  Rama 2.   (BANAT PALARO)