Gems gisubha'g daog sa As-Es BAR caging
CEBU, Philippines- Miantog dayon og 28 puntos si Aaron Miñoza lakip ang upat ka triples aron pangulohan ang Gems Ramos pagkulit og daog batok sa Endab Greywolves, 81-76 sa pagsugod sa As-Es BAR 2nd Conference basketball tournament Fiesta Cup 2014 niadtong Hulyo 10, 2014 diha sa Benjamin Solon Memorial gym sa Cogon-Ramos, ning siyudad.
Gipahimuslan sa Gems Ramos ang ilang fastbreak plays aron moposte'g 27-21 nga bentaha sa first period ug miburot pa kini ngadto sa 13 puntos sa halftime, 55-42.
Si Henry Ropero miamot og 18 puntos alang sa maong kadaugan.
Upat ka players sa Endab ang miiskor og double figures nga gipangulohan ni Brikner Alesna, kinsa miburak og 20 puntos.
Si Randy Aragon miamot og 18 puntos, gisundan ni Glenn Birao sa iyang 16 puntos ug Ritchie Sebrero nga adunay 11 puntos.
Puntos matag usa
GEMS (81) – Miñoza 28, Ropero 18, Sabal 6, Secuya 6, Barrientos 6, Hu 5, Abrio 5, Morillo 4, Villanueva 3.
ENDAB (76) – Alesna 29, Aragon 18, Birao 16, Sebrero 11, Endab 6, Coyoca 5. (BANAT PALARO)
- Latest
