Libreng cage clinic sa Brgy. Ginebra

CEBU, Philippines - Ang Barangay Ginebra San Miguel mopahigayon og libreng basketball clinic karong adlawa diha sa Mandaue City Cultural and Sports Complex.

Pangulohan kini ni "Rookie of the Year" awardee Greg Slaughter. Abagan sab siya ni Fil-Am Cris Ross, Eman Monfort, Macmac Baracael ug Dylan Ababou.Ang nahisgutang clinic sugdan sa alas-9 sa buntag hangtod sa alas-4 sa hapon.

Si Slaughter ug kauban niyang players sa Barangay Ginebra mibisita sa iyang kanhi alma mater University of the Visayas (UV) niadtong Biyernes.

Si Slaughter niduwa isip sentro sa UV Green Lancers sa Cebu Schools Athletic Foundation Inc. (CESAFI) niadtong 2009 ug 2010 diin iyang gitabangan ang koponan  pagdaog og "back-to-back" titles.

Aron makasalmot sa libreng clinic, kinahanglan  mopalit og bisan unsang produkto sa Ginebra ug bayloan kini'g tiket nga maoy pasaporte aron makasud sa gym.

Adunay mga sakyanan sa Ginebra nga maglibot-libot sa kadalanan dili layo sa gym diin mapalit ang mga produkto. Tungod kay bino  man ang ilang produkto, dili baligyaan ang mga bata nga ubos sa 18-anyos.  (BANAT NEWS)