Smart Gilas gisugat og daog sa FIBA Asia Cup
CEBU, Philippines - Daog maoy misugat sa Smart Gilas Pilipinas sa unang adlaw sa FIBA Asia Cup batok sa Chinese-Taipei, 78-64 kagahapon didto sa Wuhan, China.
Ang FIBA Asia Cup kabahin sa preparasyon sa Smart Gilas alang sa FIBA World Cup sa Agosto didto sa Spain.
Ang kadaugan magsilbe usab kini nga panimalos tungod kay ang Gilas gipilde sa Chinese-Taipei sa elimination round sa FIBA Asia Championship sa miaging tuig didto sa SM Mall of Asia Arena.
Milabaw dayon og 10 puntos ang Gilas sa first half, 36-26, apan nailog sa Chinese-Taipei sa third period, 47-44 human sa dunk ni Liu Chun-Ching.
Nahimong sikit ang duwa dihang nagbinayloay og puntos ang matag kampo nga miresulta sa 56-all sa katapusang sayes minutos sa final period. Apan ang bag-ong sakop sa Gilas nga si Paul Lee mikiat aron malagsik pagbalik ang koponan. (BANAT NEWS)
- Latest
