P100T madawat sa mokampiyon sa 7th Sibonga Mayor's Cup

CEBU, Philippines - Makabungog nga P100,000 ganting salapi ang nagpaabot sa makampiyon sa 7th Sibonga Mayor's Cup Open Inter-Commercial basketball tournament nga sugdan karong Sabado,  didto sa Ritchie Bacaltos Sports Complex sa Sibonga.

Upat ka koponan ang kompirmadong mosalmot sa maong torneyo ug kini mao ang UC-Drailers, San Remigio Beach Club, Orica Mining Company-T, Young Construction ug AC Troopers.  

Padayon pa nilang gikumbensir  ang Autolab ug ang RMA aron mosalmot sa torneyo.

Gawas sa dakung premyo, ang matag team makadawat sab og P1,500 nga gasoline allowance atol sa oras nga aduna kini mga duwa.

Ang torneyo mosubay og  single round robin format diin ang top two teams maoy magsangka sa finals. (BANAT PALARO)