Khan gustong makalaban si Pacquiao, pero...
MANILA, Philippines - Kamakailan ay nagpahayag si dating world lightweight titlist Amir Khan na gusto niyang labanan ang dating sparmate na si Filipino world eight-division champion Manny Pacquiao.
Subalit may agam-agam si Bob Arum ng Top Rank Promotions sa naturang komento ni Khan.
Ayon kay Arum, nagparamdam sila sa kampo ni Khan kung interesado itong sagupain si Pacquiao sa Nobyembre 22 sa The Venetian sa Macau, China.
“And we heard nothing positive in return. So for the kid now to say, ‘Yeah, I’m ready to fight Pacquiao, etcetera, etcetera, etcetera’ -- where does it come from? I mean, number one, is it possible to arrange for a Pacquiao fight? I don’t know what his contract states,” sabi ng promoter.
Ang 5-foot-11 na si Khan ay ilang beses nang naging sparmate ni Pacquiao sa ilalim ni chief trainer Freddie Roach.
Isa lamang si Khan sa mga pangalan na lumulutang na posibleng harapin ng 35-anyos na Sarangani Congressman. Ang iba pa ay sina Chris Algier, Luis Abregu at Danny Garcia.
“We can’t sign anything for him to fight Pacquiao until we look at his contracts. For example, for all I know he might have a contract that says all his fights have to be on Showtime. I don’t know if that is true or not,” ani Arum sa dating Olympic silver medalist na si Khan.
Kabilang sa mga tinalo ni Khan ay sina Marco Antonio Barrera, Pauli Malignaggi, Marcos Maidana at Zab Judah.
Matapos ito ay nabigo naman si Khan kina Lamont Peterson at Garcia bago nanalo ng tatlong sunod, kasama rito ang paggulpi niya kay dating world titlist Luis Collazo noong Mayo.
- Latest
