Tabal, Simat nidominar sa ilang tagsa-tagsa ka dibisyon sa 2014 Builder’s Run
CEBU, Philippines - Gipakita ni Mary Joy Tabal ang iyang abilidad sa dagan pinaagi sa pagdominar sa women's 16K category sa 2014 Builder's Run kagahapon didto sa Parkmall grounds.
Nakompleto ni Tabal ang iyang dagan sud sa usa ka oras, 13 minutos ug 17 segundos.
Si Tabal mipilde nilang Ruffa Sorongon (1:13.17) ug Mereeis Ramirez (1:15.11) nga nalandig sa ikaduha ug ikatulo nga dapit.
Sa men's division, ang Kenyan nga si Isaac Simat mirehistro og best time nga 54:17, gisundan sa laing Kenyan nga si Douglas Mwiti (55:27) ug Abraham Missos (56:40).
Si Desederio Ingbino maoy top finishers sa 16K professional category sa oras nga 1:04.44, gipilde niya silang Jeffrey Codino (1:07.27) ug John Balaga (1:10.53).
Ang top three finishers sa 16K professional mao silang Anita Balaga (1:33), Lalaine Sacris (1:46.04) ug Iris Gonzales (1:47.46).
Ang beterano ug Sugbuanon nga si Alvirg Busa maoy naghari sa 16K employee's class sa oras nga 1:01.18, samtang si Anne Diano nidaog sa women's side sa oras nga 1:44.48.
Laing Kenyan nga si James Mbei (26:28) ug teen runner Jhean Andrin (35.05) maoy nag-una sa 8K open, samtang sila si John Manos (16:42) ug Cherry Andrin (23:35) mao sab ang nidominar sa 5K division. (BANAT PALARO)
- Latest
