500 na kapin nagparehistro sa "2nd run for the rivers"

CEBU, Philippines -   Miabot  na sa 500 ka  fitness buffs ang nagpalista alang sa 2nd  Cebu Run for the Rivers sa Hunyo 22 didto sa SM City-Cebu Northwing grounds.

Gipasiugdahan sa Environmental Management Bureau, Cebu Business Month 2014 ug Cebu Chamber of Commerce and Industry, ang charity race gibuak ngadto sa 21K, 10K, 5K ug 3K categories.

"So far we have 500 runners that already registered but we are expecting it to reach a thousand," matud pa sa organizer nga si Mariel Destacamento.

Ang kwarta nga matigom gikan sa registration  gamiton alang sa reforestation ug rehabilitation sa Mahiga Creek ug Guadalupe River.

Mga sakop sa Philippine Navy, Air Force, Police ug Government NGO ang gilaumang mosalmot. Gidasig usab sa organizers ang mga elite runners sa pagsalmot.

Ganting salapi ug medalya ang nagpaabot sa top 10 finishers sa 21K ug 10K lakip na sa top five finishers sa 5K. Makadawat usab og specially-designed medal ang mga finishers sa 21K.

Ang registration fee nagkantidad og P100 sa 3K, P250 sa 5K, P350 sa 10K ug P500 sa 21K.  Mahimong magparehistro sa Cebu City Sports Center, Toby's sa SM City-Cebu ug Runnr sa Ayala Active Zone.  (BANAT NEWS)