James tinrangkuhan ang Heat kontra Spurs, serye tabla 1-1

MANILA, Philippines – Matapos mabatikos dahil sa kanyang inindang injury sa game one, ipinakita ni four-time MVP Lebron James ang kanyang tikas matapos pangunahan ang Miami Heat kontra San Antonio Spurs, 98-96, sa Game 2 ng NBA Finalsa sa AT&T Center.

Kumayod si James ng double-double performance na 35 markers at 10 boards upang itabla ang best of seven na serye sa 1-1.

Hindi naman nagkulang sa suporta sina Chris Bosh, Dwyane Wade at Rashard Lewis sa pinagsamang 46 points upang kunin ang momentum patungong game 3 na lalaruin sa kanilang homecourt.

Kaugnay na balita: Spurs pinalamig ang Heat, kinubra ang game 1 ng Finals

Nakuha ng Spurs ang game one matapos ilubog ang Heat nang pulikatin si James sa huling apat na minuto ng laban.

Magkikitang muli ang dalawang koponan sa Miyerkules.