Lig-ong teams sa TBA-Power 40 mosalida karon

CEBU, Philippines -  Mosalida na sab ang mga paborito ug mga lig-ong teams  sa pagpadayon sa TBA-Power Forty 50 Above basketball tournament karong adlawa didto sa Pardo Sports Complex.

 Puntariya karon   sa Power Forty ug sa Punta Princesa nga mokulit sa ilang ikatulong daog dihang makigsangka sila sa tagsa-tagsa nilang karibal.

 Ang Power Forty (2-0)   ni Atty. Flor Yosores, makigsangka batok sa Perez Trucking (1-0), samtang ang Punta Princesa makigtakus batok sa AC Sports.

 Sugdan ang duwa sa alas-8 sa buntag diin ang Inayagan (Naga) ug ang Bulacao, kinsa parehong nagbitbit og 0-2 nga baraha, mosuway pagkulit sa ilang unang daog. Magsangka sab ang 1-1 nga Lucky 40 batok sa 0-2  nga Talisay Basketball Association (TBA) sa ala-1 sa hapon. (BANAT NEWS)