Borbon mo-host second leg sa MS Motosuit motocross series karong adlawa
CEBU, Philippines - Mag-abot ang kapin sa 100 riders lukop nasud aron subli nilang ipakita ang ilang katakus dihang ang second leg sa 2014 MS
Motosuit Motocross Series karong adlawa didto sa barangay Logo, Borbon sa amihanang bahin sa Sugbu.
Uloha'g "4th Mayor Butch Sepulveda Motocross Cup," ang lumba salmotan sa mga banggiitang riders gikan Manila, Davao,
Dumaguete City, Leyte ug Dinagat Island sa Surigao.
Pipila sa mga bitoon nga angay'ng tan-awon ning usa ka adlaw ka kompetiyon mao sila si Burnok Mangusong, Dondon Yuson,
garbo sa Sugbu nga si Jonjon Adlawan, Winsor Famorca, Ambo Yaparcon ug Venil Abellar.
Mga kategoriya nga tigian naglakip sa mini 60cc. ug 85cc., beginners, local enduro, open enduro, executive A, B ug C, novice,
intermediate, expert ug pro open.
Matud pa ni race organizer ug MS Motosuit top honcho Lou Ornopia nga human sa Borbon, ang series dad-on ngadto sa
Toledo City alang sa third leg sa Hunyo 2 ug dayon sa Dinagat Island alang sa fourth leg sa Hunyo 18.
Sa laing bahin, ang motocross action makita pinaagi sa CCTN Channel 47 matag Sabado gikan sa alas-10:30 hangtod sa alas-11
sa buntag. Aduna kini replays matag Domingo gikan sa alas-10:30 hangtod sa alas-11 sa gabii.
Dumalaon kini sa beteranong si Pepo Rubi, ang "King of Cebu Motocross" ug ni MS Motosuit operations officer Ramil V.
Ayuman.
Ipakita sa tunga sa oras nga pasundayag mao ang pagsugod sa Cebu motocross ug ingon man ang pipila ka highlights sa tinuig
nga MS Motosuit series. (BANAT NEWS)
- Latest
