Cignal ipalalabas ng live ang PLDT TVolution Commissioner’s Cup Finals sa HD
MANILA, Philippines - Sa pagtaas ng tempeÂratura sa bansa ay mas lalo pang mag-iinit ang mga aksyon sa PLDT TVolution PBA Commissioner’s Cup Finals sa TV5 simula ngayon.
Isasaere ng LIVE ang mga PBA games na nasa High Definition (HD) sa CIGNAL ch 199.
“The PBA in HD starts with the Finals and we will continue to deliver the crisp and clear PBA action with the Governors’ Cup. This is free to all CIGNAL HD subscribers,†sabi ni Chot Reyes, ang pinuno ng Sports5.
Nasa mainit na ratsada ang Talk ‘N Text matapos sibakin ang Barangay Ginebra sa quarterfinals at walisin ang Rain or Shine sa semifinals. Sina Best Import candidate Richard Howell, Larry Fonacier, Jayson Castro, Ranidel Ocampo at Jimmy Alapag ang muling aasahan ng Tropang Texters sa PBA Finals.
Itatapat naman ng San Mig Coffee Mixers sina import James Mays, Marc Pingris, James Yap, Mark Barroca, Justin Melton at PJ Simon.
Sino ang kukuha sa Commissioner’s Cup trophy?
Mapapanood ninyo ang mga aksyon sa TV5.
Ang HD viewing ay mapapanood nang libre sa CIGNAL channel 199 para sa prepaid at postpaid subscribers.
Ang encore replay ng mga PBA games ay nasa HYPER, ang 24/7 sports channel na nasa CIGNAL at iba pang cable service providers nationwide.
- Latest
