2nd batch sa Yaw-Yan summer clinic ugma sugdan
CEBU, Philippines - Sugdan ugma ang second batch sa Yaw-Yan Ardigma Martial Arts Federation Inc. summer clinic diha sa Yaw-Yan Headquarters nga nahimutang sa ikaupat nga andana sa Coast Pacific Downtown Center sa dalan Sanciangko, ning siyudad.
Si Yaw-Yan ArDigma Cebu CEO/Founder and Vis-Min director Master Benigno 'Ekin' R. Caniga Jr. nagkanayon nga dul-an sa 100 ang misalmot sa first batch sa summer clinic nga gisugdan sa miaging buwan ug naglaum siya nga mosaka pa kini ugma.
Mga kurso nga mahimong tun-an naglakip sa arnis, boxing fitness, Yaw-Yan combat for self-defense, Yaw-Yan ArDigma system ug mixed martial arts (MMA).
Alang sa dugang mga pangutana, mahimong mobisita sa Yaw-Yan gym o mokontak sa 0932-4524999 o e-mail sa [email protected]. (BANAT NEWS)
- Latest
