Komentaryong gikagubtan, komentaryong gipistahan

Wa'y lalis nga maayo og dagan ang Los Angeles Clippers sa milabay nga pipila ka katuigan ilabi na karon nga season nga sila maoy nahimong 3rd seed sa Western Conference playoffs kung itandi sa miaging tuig nga sila maoy ika-upat sa West ug sa miaging duha ka seasons, sila maoy Pacific Division champion.

Naglabaw sila sa ilang playoffs series batok sa Golden State Warriors ug tungod kana kanilang Blake Griffin, Chris Paul, DeAndre Jordan, Jamal Crawford, Danny Granger, JJ. Reddick ug Hedo Turkoglu.

Ang dili lang tingali maayong paminawon karong panahona mao ang gihimong "racist" nga komentaryo sa Clippers team owner nga si Donald Sterling. Ambot ug unsay nakaon ug nasulod sa utok ni Sterling nga sa kadaghan sa mahimong isulti, ang mga African-American man maoy iyang gibanatan unya raba kanang iyang gitakin nga sakuban sa ting-mingaw ug ting-tugnaw nga si V. Stiviano, tataw nga usa gyud ka black-American.

Atol sa duwa sa Clippers ug Warriors nadunggan sa usa ka audiotape sa TMZ si Sterling nga nagkanayon  “It bothers me a lot that you want to broadcast that you’re associating with black people.You can sleep with (black people). You can bring them in, you can do whatever you want. The little I ask you is not to promote it … and not to bring them to my games.”

Sus bisan kinsa tingali nga hingtungdan may katarungan gyud nga mo-react sa maong komentaryo. Misulirat ang mata sa mga Aprikano ug miulbo ang ilang kaspa sa kalagot.

Naandan na ni Sterling nga mohimo'g mga "racist" comments sulod sa miaigng walo ka tuig ug tingali nagsalig siya kay daghan man siya'g kwarta ug kanunay siyang modaug sa kaso ug pipila sa iyang gika-bangga nga inilang players mao silang Elgin Batlor ug Dominique Wikins.

Human sa komentaryo ni Sterling sa miaging adlaw nga gikatakdang imbestigaron sa NBA, ang labing unang African-American nga NBA player niadtong Oktubre 31, 1950 nga si Earl Lloyd nagkanayon nga "You can't blame the whole league on one fool." Tukma kaayo ang gipanulti ug bisan pipla lang kadto ka pulong, makaingon kita nga komentaryo kini sa usa ka genius kay sa ato pa kining pinulongan, dili kuno angayan basolon ang lega (NBA) tungod lang sa usa ka buang o hungog.

Kaniadto matud pa ni Lloyd, dili intawon sila makasulod sa restaurant sa pipila ka mga dakbayan sa Estados Unidos tungod sa pagbiay-biay ug sa mga talidhay nga ilang madawat.

Matud pa ni Lloyd nga "That's amazing to me with the kind of living this guy has made all these years in the league. [Punishing him] is not going to change him. It might make him a little more selective as to how he says it."

 Gani, ang unang reaksyon sa Clippers human sa maong komentaryo nga dili sila moduwa sa Game 4 karong adlawa apan nausab ang ilang hunahuna kay dili kini makaayo sa mga basketball fans ug sa lega mismo.

Matud pa nga si Sterling dili problema sa Clippers. Problema siya sa NBA.

Giawhag ug gihagit nilang Paul, ang presidente sa NBA Players Association ug ni coach Doc Rivers, ang presidente sa NBA Coaches Association nga mohimo'g baruganan ang mga African-American nga mga opisyales sa Clippers.

Pipila sa mga inilang basketball stars nga mihatag sa ilang reaksyon mao silang Earvin "Magic" Johnson ug Charles Barkley.

Matud pa ni Johnson nga dili na siya motan-aw pa og duwa sa Clippers mentras si Sterling maoy tag-iya sa team. Sa iyang Twitter, si Johnson nagkanayon  “I feel sorry for my friends Coach Doc Rivers and Chris Paul that they have to work for a man that feels that way about African Americans are a black eye for the NBA.”

Sa iyang bahin, si Barkley  nagkanayon, “The problem I have with it is, if someone wants to be racist, that’s alright, that’s their thing. But when you’re in a position of power and you can take jobs and economic opportunity from people, that’s what crosses the line. You cannot have an NBA discriminating — we’re a black league.”

Gikatakda untang modawat og lifetime achievement award si Sterling didto sa Los Angeles atol sa ika-100 nga anibersaryo sa NAACP unya sa Mayo 15.

MISCELLANEOUS. Belated brithday greetings to my sister Gina M. Quindao of Ormoc City last Friday, April 25.  Also belated birthday greetings to Customs Police Boodie Monteño of the ESS team who turned a year older last April 23. Thanks for the belated birthday gifts Gi and Rey Yns.