Coke PBA Cebu cagefest mosikad karong adlawa

CEBU, Philippines -   Mosikad na ang 2014 edition sa Coca Cola PBA Youngsters Basketball  Tournament alang dinhi sa Sugbu karong adlawa didto sa Lux Oriens Gym sa Sacred Heart  School-Ateneo de  Cebu (SHS-AdC) sa barangay Canduman, dakbayan sa Mandaue.

 Napulo ka teams nga gibahin sa duha ka grupo ang mopakita'g aksiyon.

 Ang Group A pangulohan sa defending champion Team Lancers uban sa  Eagles, Warriors, Ormoc ug Team Panthers.

 Sa Group B, gilangkuban kini sa Cebu Elite, Dragons, One on One, Liloan ug CFGA.

 Ang Team Lancers moharong sa Team Eagles, samtang ang Cebu Elite makigbatok sa Team Dragons.

 Matag grupo moduwa og single round robin classification phase diin ang  top two moabante sa crossover semifinals.

 Ang kampiyon maoy morepresentar sa Cebu alang sa Visayas Regional Finals nga adto ipahigayon sa Iloilo sa Mayo 10-11 diin ilang sangkaon ang mga kampiyon gikan sa Bacolod ug Iloilo. Ang mokampiyon sa Visayas  malakip sa unom ka team nga moduwa sa national finals sa Mayo 17-25 didto sa Manila. (BANAT NEWS)