Takbo Alay sa Kalikasan sa Abril 27

CEBU, Philippines -  Ang Student Catholic Action in the Philippines (SCAP) mopahigayon og  fund-raising event pinaagi sa "Takbo Alay sa Kalikasan"   karong Abril 27 gikan sa Plaza Independencia paingon sa  SRP grounds.

 Gibahin kini ngadto sa tulo ka kategoriya -- 10K, 5K ug 3K run.

 Ang kuwarta nga matigom sa maong lumba maoy gawion  alang sa Earth Keepers Project aron pagprotehir sa kalikupan.

 Ang top three finishers sa 10K ug 5K makadawat  og ganting salapi, samtang ang tanang finishers sa 10K makadawat og medalya.

 Ang registration fee nagkantidad og P300 sa 3K, P350 sa 5K ug P400 sa 10K, libre na niini ang singlet, race bib ug certificates sa tanang partisipante. Mahimong magpa-rehistro sa Runnr sa Ayala-Cebu ug University of San Jose-Recoletos (USJ-R) Basak campus ministry office. (BANAT PALARO)