Pacquiao-Bradley 2 sa Cebu Coliseum

CEBU, Philippines -  Ang giatngan nga  "rematch" tali ni reigning WBO welterweight champion  Timothy Bradley ug Filipino ring icon Manny Pacquiao didto sa MGM  Arena sa Las Vegas, makita live karong Domingo diha sa Cebu Coliseum.

 Si Pacquiao mosuway pag-ilog balik sa nahanaw niyang WBO welterweight title gikan ni Bradley.

 Daghang mga Sugbuanon ang nag-atang sa maong away ilabi na nga krusyal kini alang ni Pacquiao, kinsa gusto mobangon sa iyang ngalan isip boxing great human mapilde og kaduha niadtong tuig 2012 batok ni Bradley ug ni Mexican Juan Manuel Marquez.

 Si Pacquiao midaog niadtong Nobiyembre batok ni Brandon Rios didto sa Macau, apan ang sangka karon ni Bradley maoy maghatag kaniya og kahigayonan aron mobalik ang pagsalig sa iyang mga fans.

 Ang mga tiket sa Pacquiao-Bradley II PPV nagkantidad og P30 sa general admission, P50 sa upper box,  P100 sa lower box ug P150 sa courtside.

 Alang sa reservations ug mga pangutana mahimong motawag sa numero  2551405.