Charlotte daog sa OT
CEBU, Philippines - Hingpit nang miabanate sa playoffs ang Charlotte Bobcats, ang ilang ikaduhang pag-abante sa kasaysayan sa ilang franchise human sila makaipsot batok sa Cleveland Cavaliers sa iskor, 96-94 pinaagi sa overtime didto sa Quicken Loans Arena sa Cleveland, Ohio.
Si Al Jefferson maoy nangu sa Bobcats sa iyang 24 puntos diin pito niini didto sa overtime.
Sulod sa napulo ka tuig sa ilang franchise isip Bobcats, mao lang kini ang ikaduhang higayon nga nakakuha sila'g luna sa postseason ug ang una niini kaniadtong 2010.
Ang Bobcats naghupot na karon ug 38-39 nga baraha og milapas na sila sa .500 sa ikaduhang higayon karon nga s eason aron maoy maghupot sa ikapitong pwesto sa Eastern Conference.
Si Steve Clifford, ang ikatulong coach sa Bobcats sulod lang sa tulo ka season, midayeg sa character nga gipakita sa iyang team.
"This is a significant accomplishment for our group of guys, and it puts us in a different place in the league. The guys in the locker room are excited - and they should be - because we've got a good group of guys and a group of guys who are truly deserving,'' sumala pa ni Clifford.
Samtang nagsaulog ang Bobcats, nagkagamay sab ang paglaum sa Cavaliers nga moabante sa playoff human sa ilang sikit nga kapildehan bisan pa sa career-high 44 puntos sa ilang star guard nga si Kyrie Irving. Ang Cavs kinsa aduna karo'y 31-47 nga baraha, biya og tulo ug tunga ka duwa sa no. 8 nga Atlanta Hawks. (BANAT PALARO)
- Latest
