MJDL brokers 2-0 na sab karon

CEBU, Philippines - Wa'y kukalooy nga girapido sa MJDL Brokers ang Avenido Brokers pinaagi sa pagkulit og 109-75 nga kadaugan niadtong Huwebes sa gabii sa nagpadayon nga 2nd BOC-CIPU basketball tournament didto sa barangay Tinago gym, ning dakbayan.

Tungod sa maong kadaugan, nakahimo karon og three-way tie alang sa unang pwesto ang MJDL, Petracorta-Rollway Brokers ug ang Enforcement Security Service kon ESS sa parehong 2-0 nga baraha.

Human sa taud-taud nang panahon nga wala na siya mag-igo, nabalikan sa iyang maayong pulso ang shooter nga si Noel Medalle kinsa maoy nangu sa MJDL sa iyang 15 puntos ug mitampo silang Janus Abellana ug Jaymar Elloren og 14 puntos, matag usa.

Pareho sab nga miposa og 11 puntos matag usa silang Baeng Medalle ug Dandan Enriquez samtang mitikdol og 10 puntos si Junrey Arreglo.

Ang 1-1 nga Avenido Brokers gipangulohan ni Yulo Arevalo kinsa miposa og 13 puntos.

Sa laing duwa, gipukan sa JVD ni Don Dejaresco ang Alin Brokers ni Israel Alin sa iskor, 82-74.

Sikit pa unta ang duwa sa nahibiling usa ka minuto sa duwa apan kalit lang nabiyaan ang Alin dihang mihimo'g sagunson sayis puntos si Dejaresco kinsa mitapos og nuybe puntos sa maong duwa.

Si       Villarin maoy nangu sa JVD sa iyang 24 puntos.

Ang JVD ni playing coach Victor Montero, aduna na karo'y 1-1 nga baraha  ug nakigsawo sa ikaduhang pwesto kauban sa Avenido Brokers, Ecu Line ug Ynah Brokers.

Tulo sab ka team ang wala pay daog ug nahimutang sa kinaubsan sa team standings nga mao ang Alin, Global ug Roncales.

Si Ryan Barral maoy nangu sa Alin sa iyang 25 puntos ug si Alin midugay og 15 puntos.

Puntos matag usa:

First Game:

MJDL (109)---   N. Medalle 15, Abellana 14, Elloren 14, B. Medalle 11, Enriquez 11, Arreglo 10, Amistoso 8, Largosa 6, Bensi 5, Cayanong 4, Villacastin 2.

Avenido (75)--- Arevalo 13, Villa 9, Mompar 8, Jordan 8, Quilantang 7, Laraga 5, Marino 4, Tan 3, Avenido 3, Jovita 2, Elorde 2.

Second Game:

JVD (82)---     Villarin 24, Sanguenza 19, Pangue 10, Dejaresco 9, Rabago 6, Cabrera 4, Viodor 4, Nadal 2, Gerundio 2, Villarin 2.

Alin (74)---     Barral 25, Alin 15, Lleve 11, Estorgio 6, Quiros 4, Javellana 4, Tradio 4, Desucatan 2, Almoren 2, Nudalo 1. (BANAT NEWS)