Pagdausdos ng Lakers hinahanapan ni Kobe ng solusyon

EL SEGUNDO, California - Matapos ideklara ng Los Angeles Lakers na hindi na makaka­laro si Kobe Bryant sa buong season ay nag-isip na siya kung paano matutulungan ang Lakers sa sandaling bumalik siya.

Ipinadama ni Bryant ang kanyang pagkadismaya matapos ihayag na tinatapos na niya ang kanyang ika-18th NBA season matapos ang anim na laro.

Ang nabaling buto sa kanyang kaliwang tuhod ang nagpatigil sa superstar guard bago ang Pasko at hindi rin makayanan ang weight-bearing exercise.

Sa huling limang linggo sa kanilang season ay nagdesisyon ang Lakers (22-42) na ireserba si Bryant para sa susunod na season kung saan siya ay magiging 36-anyos.

Bagamat hindi masyadong nakalaro, determinado naman si Bryant na hindi pa mararanasan ng Lakers ang kamalasan ngayong season para sa 2014-15.

Tinawagan ng fourth-lea­ding scorer sa NBA his­tory si team owner Jim Buss para magbalangkas ng “a clear direction” ukol sa pagbabalik ng prangkisa sa ibabaw matapos mabigong makapasok sa playoffs na ikalawang pagkakataon la­mang niya mararanasan sa kanyang NBA career.

“You’ve got to start with Jim,” ani Bryant.