All Women's Ultra-Marathon karon nang gabii

CEBU, Philippines - Si Senadora Pia Cayetano maoy mangulo sa mga partisipante sa 3rd All-Women's Ultra-Marathon nga mosikad karong alas-10 sa gabii.

Manukad ang lumba sa Cebu Provincial Capitol grounds ug matapos didto sa Alta Cebu Village Resort sa Cordova.

Gawas ni Cayetano, modagan sab ang mga runners gikan sa Manila, Mandaluyong, Taguig, Tiaong, Quezon, Dasmariñas, Cavite, Davao, Cagayan de Oro, Surigao, Butuan, Tagoloan, Misamis Oriental ug Valencia City, Bukidnon.

Sukdon nila ang katakus sa mga partisipante gikan sa Visayas area sama sa Dumaguete ug Sibulan, Negros Oriental, Tacloban, Silay, Bacolod, Palo, Hilongos, Leyte ug Catbalogan, Samar.

Ang  "Ungo  og  Dagan" nga  nagbasi   dinhi  sa      Sugbu maoy   labing   daghang    entrante nga modagan nga adunay  25,  samtang  ang   Any Day  Runners (ADR), Toledo Adik Og  Dagan ug   G6  Runners  adunay  13  ka runners  matag  usa. (BANAT NEWS)