MS Motosuit Moto-X series Banhawon ni Ornopia
CEBU, Philippines - Banhawon ni businessman ug sportsman Lou Ornopia ang iyang motocross series unya sa Abril human mawala sa eksena sud sa usa ka tuig.
Ang katuyoan ni Ornopia pagbalik sa iyang series mao nga aron makakaplag og dekalibreng Cebuano riders ug ingon man
paghatag kanila'g higayon pagpakita sa ilang abilidad sa mga dagkung kompetisyon.
"It comes from the blood," matud pa ni Ornopia, ang one-time 'Sportsman of the Year' awardee sa Sportswriters Association of
Cebu (SAC).
Misuway si Ornopia og laing matang sa paugnat sa kusog, apan ang motocross maoy anaa sa kinahiladman sa iyang
kasingkasing.
Si Ornopia aktibong nalambigit sa MS Motosuit Series sud sa walo ka tuig, apan milaylo una siya sa tinuig niyang kalihukan
sa miaging tuig aron igahin ang iyang panahon ngadto sa iyang pamilya.
Sa iyang pagpadayon sa kalihukan, si Ornopia misaad og mas daku, nindot ug mas kulbahinam nga series sa umaabot.
"For me to revive motocross is a commitment. It's a big challenge for me to surpass what I have done for the past 14 years. I will
just try my best to come up with a bigger and better series ahead," pasalig ni Ornopia.
Plano ni Ornopia nga mopahigayon og labing menos unom ka legs ning tuiga, subhan kini pinaagi sa Ornopia Cup sa Abril 12
didto sa Calambua sa San Remigio, Cebu diin didto nahimugso ang Cebu motocross.
"Calambua holds a special place in the hearts of Cebuano motocrossers because it is where it all started. It is but fitting
and symbolic to hold our kick-off leg there," matud pa ni Ornopia. (BANAT NEWS)
- Latest
