Ateneo, Adamson unahan sa panalo
Laro Ngayon
(The Arena, San Juan City)
2 p.m. Ateneo vs FEU
(men Final Four)
4 p.m. Adamson vs Ateneo (women step-ladder semis)
MANILA, Philippines - Pagsisikapan ng AteÂneo na mapangatawanan ang mas mataas na estado sa Adamson sa pagsisiÂmula ng UAAP women’s volleyball step-ladder semifinals ngayon sa The Arena sa San Juan Arena.
Dakong alas-4 ng hapon itinakda ang tagisan na isang knockout game at ang mananalo ang siyang maÂkakatipan ng pumangalawa sa elimination round na National University para sa ikalawa at huling puwesto sa Finals.
Nagkaroon ng step-ladder semis dahil dumiretso sa championship round ang three-time defending champion La Salle matapos ang 14-0 sweep. Ang Lady Archers ay may thrice-to-beat advantage sa Finals.
Winalis ng Lady Eagles ang Lady Falcons sa dalawang pagkikita sa eliminasyon, 25-21, 25-12, 25-22, at 25-22, 25-19, 16-25, 18-25, 15-13.
Sa unang laro sa ganap na alas-2 ng hapon ay magpapang-abot muna ang Ateneo at FEU sa pagsisimula ng Final Four sa men’s division. (ATan)
- Latest
