Dul-an na's 1,000 runners nagparehistro
CEBU, Philippines - Hapit na moabot sa usa ka libo ka runners ang nagpalista alang sa 1st Cebu City SRP-Midnight Marathon karong Marso 2 didto sa South Road Properties (SRP) grounds.
Ang lumba unang gitakda niadto pang Disyembre sa miaging tuig, apan gisibog kini sa mga organizers human ang Sugbu gikuso-kuso sa bagyong "Yolanda" niadtong Nobiyembre 8.
"We are happy because even if the run was moved, we still got some positive response from runners and running clubs that they are going to join the race," matud pa ni G-Concept president Jeson Guard atol sa press conference kagahapon didto sa Sunburst Fried chicken sa Paseo San Ramon sa Banawa, ning siyudad.
Si Cebu City councilor Ritchie Osmeña miingon nga ang maong lumba lakip sa culmination sa usa ka semanang selebrasyon sa Charter Day.
Gawas sa 42K division, laing kategoriya nga mahimong salmotan sa runners mao ang 21K ug 5K.
Mokabat ngadto sa P200,000 nga ganting salapi ang gitagana alang sa top performers sa matag kategoriya.
Ang registration fee nagkantidad og P350 sa 5K, P700 sa 21K ug P1,200 sa 42K libre na niini ang snacks, race bib ug singlet. Mahimong magparehistro didto sa Runnr sa Ayala Center- Cebu, Cebu City Sports Commission (CCSC) office ug sa SM City-Cebu. (BANAT NEWS)
- Latest
