James gihagit ni Durant

Gihagit ni Oklahoma City Thunder Kevin Durant ang iyang karibal sa MVP award nga si LeBron James sa Miami Heat nga moapil sa  "Slamdunk" contest atol sa All-Star didto sa New Orleans.

 Gusto ni Durant nga ipakita ni James iyang abilidad sa hinansakay batok sa iyang teammate sa Thunder nga si Perry Jones, Deandre Jordan sa Los Angeles Clippers ug Gerald Green sa Phoenix Suns.

Kobe midayeg ni Melo

 Midayeg si Los Angeles Lakers superstar Kobe Bryant ngadto ni Carmelo Anthony sa New York Knicks human mikulit og  record-breaking nga 62 puntos sa miaging gabii.

 Si Anthony mihimo og record isip player nga nakahimo og labing daghang puntos sud sa Madison Square Garden nga giisip "Mecca of Basketball."

Sapatos ni Curry gikagubtan

 Gikagubtan kagahapon ang "golden shoes" ni Golden State Warriors superstar Stephen Curry nga iyang gisul-ob atol sa ilang duwa batok sa Portland TrailBlazers.

 Nakakawat og atensyon ang maong sapatos tungod sa talagsaong kolor ug desinyo.

Thibodeau supak sa trade

 Supak si Chicago Bulls coach Tom Thibodeau sa ideya nga i-trade sa Bulls ang ilang injured star nga si Derrick Rose alang sa usa ka first pick.

 Daku ang pagsalig ni Thibodeau nga makabalik pa si Rose isip franchise player sa koponan bisan og kaduha na kini nakahiagum og seryosong season-ending injury.