So nakabalik sa No. 6

MANILA, Philippines - Tinalo ni Filipino Grandmaster Wesley So si Dutch Loek Van Wely mula sa isang 41-move victory sa kanilang Classical King’s Indian duel para makabalik sa itaas matapos ang nine rounds ng 2014 Tata Steel Masters sa the Netherlands.

Isinakripisyo ng 20-anyos na si So ang isang rook para makuha ang knight ni Van Wely para pigilin ang kingside attack ng huli.

Imbes na painitin ang kanilang duwelo, mas pinili ni So na makipagpalitan ng Queen na nagtira sa kanya ng tatlong pawns sa queenside na nagpahina kay Van Wely.

Ang panalo ang nag-angat kay So na sumalo sa 6th place kasama si Indian Pentala Harikrishna na tumalo kay German Arkadij Naidistch sa 19 moves ng Queen’s Pawn game mula sa magkatulad nilang 5.0 points.