Mga Pinoy pilde didto sa Mexico

CEBU, Philippines - Pulos nakahiagum og mga sakit nga kapildehan ang duha ka Pinoy boxers sa tagsa-tagsa nila ka mga sangka kagahapon didto sa nasud sa Mexico.

Si Marco Demecillo nasugamak human siya gi-TKO sa 4th round ni David Sanchez, samtang si Fernando Lumacad gikulata ni Horacio Garcia alang sa WBC Americas super bantamweight title.

Rodman gisud sa rehab

Personal nga misulod sa rehabilitation center didto sa Estados Unidos ang NBA legend nga si Dennis Rodman aron matambalan ang pagkagumon niini sa ilimnong makahubog.

Si Rodman bag-o lang nakontrobersyal human sa iyang pagbiyahe didto sa North Korea diin suod niyang higala ang komunistang lider nga si Kim Jong Un.

Cuban gipamulta sa NBA

Gisilotan sa NBA si Dallas Mavericks owner Mark Cuban human niini gisyagitan ang usa ka referee atol sa 127-129 nga kapildehan sa Mavs batok sa Los Angeles Clippers.Si Cuban gipabayad og $100,000 sa NBA sa ngil-ad niining gibuhat ng adto sa NBA official.

Three-team trade sa NBA

Nagbayloay og mga players ang tulo ka NBA teams nga Chicago Bulls, New Orleans Pelicans ug Brooklyn Nets isip pagpalig-on sa tagsa-tagsa nila ka mga koponan.

Ang Bulls mihatag ni Marquis Teague ngadto sa Nets bugti ni Toko Shengalia, samtang ang New Orleans nakadawat usab ni Tyshawn Taylor gikan sa Nets bugti ang usa ka draft pick. (BANAT NEWS)