2014 Stags Charity Run pakakawalan bukas

MANILA, Philippines - Pangungunahan nina rector president Fr. Christo­pher Maspara, OAR, at over­all organizing committee chairman Fr. Joel Alve, OAR,  ang mga makikiisa sa gaganaping Stags Cha­ri­ty Run sa Linggo sa ASE­A­NA City na malapit sa SM Mall of Asia at Macapagal Boulevard.

Ang patakbo na nasa ikaapat na taon na ay pro­yekto ng San Sebastian Col­lege at hangarin nito  na ma­kalikom ng pondo na ipan­tutustos sa pastoral mi­­nistry at charity mission sa ibang lugar sa bansa ng Order of Augustinian Re­­collects (OAR).

Sa mga distansyang 3K, 5K at 10K gagawin ang tagisan at sina Maspara at Alve ay uma­asang mapa­pantayan kundi man ay mahihigitan ang 4000 run­ners na sumali noong na­karaang taon.

“We intend to duplicate, if not eclipse, the more than 4000 runners who joined our third edition in 2013,” pa­hayag ni Alve.

Ang Stags Charity Run ay isa sa magpapatingkad sa 73rd Foundation Celeb­ration ng San Sebastian at ang tema sa taon ay “Greatness Awaits One Who Recollects.”

Ang mga nagnanais na mag­patala pa sa patakbo ay maaring tumawag sa 7348931-39 loc. 216/204 o kaya ay magtungo sa web­site na www.sscrmnl.edu.ph.

Noong 2011 ay bi­nig­yan ng buhay ang Stags Cha­rity Run at tinaguriang “Takbo Para sa Misyon.

Ang nalikom na pondo ay ipinantustos sa missio­na­ry works sa Sierra Leone, Africa  at sa Cascian Is­land sa Palawan.

Ang ikalawang taon na may temang “Takbo Pa­ra sa Edu-Misyon” ay igi­nugol para sa  mga outreach programs habang no­ong nakaraang taon na ti­naguriang “Takbo Para sa Bo­kasyon”, ang pera rito ay pa­ra isuporta sa bokasyon at re­ligious life ng mga ka­sapi ng OAR.