‘Four-peat’ asam ng San Beda sa men’s football

MANILA, Philippines - Bubuksan ng San Beda College ang kanilang kampanya para sa ikaapat na su­nod na NCAA seniors foot­ball crown sa pagsagu­pa sa Lyceum sa Lunes sa ASCOM pitch sa Taguig C­ity.

Magtatagpo ang Red Lions at ang Pirates sa alas-8 ng umaga.

Sa iba pang opening day games, lalabanan ng Emi­lio Aguinaldo College ang Mapua sa alas-10 ka­sunod ang banggaan ng College of Saint Benilde at ng University of Perpetual Help System Dalta sa alas-12 ng tanghali.

Nakakuha naman ng bye ang 2013 runner-up na Arellano University.

Sa kanilang 20 NCAA titles, hangad ng San Be­da na maduplika ang 21 championships ng dating miyembrong De La Salle Uni­versity.

Sina Niel Dorimon at Miguel Caindec ang ba­ban­dera sa Red Lions na tu­malo sa Chiefs sa one-game Final para angkinin ang kanilang pangatlong di­kit na NCAA crown.

Wala na sa line-up ng San Beda sina Nhiboy Pe­dimonte, ang tinanghal na Season 88 MVP, midfielder Ali Baldo at Jon Aaron Carlos dahil na­kumpleto na n­ila ang ka­nilang playing eli­gibility para sa Mendiola-based school.