Petron kompiyansa bisan wala si Fajardo

CEBU, Philippines - Taas gihapon ang kompiyansa sa Petron  Blaze Boosters nga modaog  batok sa Barako Bull  Energy Cola bisan  dili  gihapon moduwa ang

sinaligan nilang sentro nga si Junemar Fajardo tungod  sa  injury.

 Suwayan sa Petron (8-2)  nga makigsawo sa  unang dapit sa standing uban sa Barangay Ginebra San Miguel (9-2) sa ilang

pakigsangka batok sa Barako Bull   karong gabii sa alas-8 sa gabii human sa duwa tali sa Air21 Express ug Talk N' Text  Tropang Texters.

 Paninguhaon sa Petron nga maharos ang  nahabilin nilang mga duwa aron makuha ang ikaduhang puwesto sa standing ug

mohatag kanila'g "twice-to-beat" advantage sa quarterfinals.

 Si Petron coach Gee Abanilla miangkon nga daku ang epekto sa ilang koponan ang pagkawa ni Fajardo, apan anaa gihapon ang

iyang pagsalig ngadto sa uban niyang key players nga  modala sa koponan.

 Si Fajardo nakaangkon og MCL injury  niadtong  Disyembre ug padayon pa kining mipaubos sa therapy aron  makarekober. (BANAT NEWS)