Doce pares induction Enero 11

CEBU, Philippines - Gibana-banang dunay dili mo-menos sa 20 ka mga langyaw nga eskrimador ang moabot dinhi sa Sugbo karong semanaha aron mutambong sa tinuig nga anibersaryo ug induction ceremony sa Cacoy Doce Pares Workd Eskrima Federation karong Enero 11 didto sa City Sports club sa Ayala.

Mao na kini ang ika-82 nga anibersaryo sa Cacoy Doce Pares ug manumpa si Supreme Grand Master Ciriaco "Cacoy" Cañete sa ika-25 nga higayon isip presidente uban sa mga opisyales nga nagpabilin lang gihapon sa ilang tagsa-tagsa ka pwesto niadtong Disyembre 30.

Ang labing daghang grupo sa mga langyaw pangulohan ni Richard Bustillo gikan sa Los Angeles, California kinsa maoy gidapit nga guest speaker. Si Bustillo kanhi tinun-an sa jet kwon do ni martial arts legend Bruce Lee.

Atol sa ilang induction, aduna say pasidunggan isip mga bag-ong sakop sa Cacoy Hall of Fame.

Posible sab moduaw dinhi sa Sugbo silang Australian Grandmaster Vimce Palubo ug Polish national Chris Nasilowksi.  (BANAT PALARO)