Lancers Staff naka-ipsot

CEBU, Philippines - Gisubhan dayon og kulba-hinam nga kadaugan ang Lancers Staff kinsa igo lang nakamaneho og 57-54 nga kadaugan batok sa Warhawks atol sa pagbukas kagahapon sa Lancers Security Agency basketball tournament didto sa UV gym.

Sa unang duwa, naka-ipsot sab ang SPC-Kepco batok sa UV Branch sa iskor, 66-62 samtang sa laing duwa, gilubong sa Anseca Development Corp. ang Gullas Residence, 50-26.

Ang maong torneyo nga gisalmotan og unom ka team gisugdan kagahapon didto sa UV gym sa alas 8:30 sa buntag sa usa ka yanong opening salvo nga wala nay opening program.

Matod pa ni Marilou Garganera kinsa nadestino sa opisina ni Gerald Anthony "Didi" Gullas, ang maong torneyo gipasiugdahan nilang Wilfredo Calvo ug Ramil Saragena kinsa mga Inspectors ug Guard Supervisors. (BANAT NEWS)