Thunder midahunog

CEBU, Philippines - Mibahug og 31 puntos ug may walo ka assists si Russell Westbrook aron pangulohan ang Oklahoma City Thunder ngadto sa 113-100 nga kadaugan batok sa San Antonio Spurs kagahapon sa duwa sa NBA didto sa AT&T Center sa San Antonio, Texas.

Maanindot kaayong second half ang gihimo sa Thunder kinsa mao karo'y naghupot sa labing maayong record sa NBA sa ilang 22-24 nga baraha samtang ang Spurs adunay 21-6 nga baraha.

Mao kadto'y ika-siyam nga sagunson nga daog sa Thunder ug usa kadto ka talagsaong daog batok sa Spurs nga lisod sab pildehon sa ilang homecourt ug pipila lang ka teams ang nakahimo niini.

''We got the best record in the league; I believe we're the best team in the league regardless of who says this and who says that. You have to go out and play. You can predict anything, but you have to play the game,'' matod pa ni Westbrook.

Na-outscored sa Thunder ang Spurs, 40-29 sa second quarter aron molampos pagpukan sa Spurs kinsa nahiagom sa ilang ikaduhang pilde sa homecourt karon nga  season.

Matod pa ni Thunder coach Scott Brooks ''It was one of our best scoring quarters. Not sure we have even had a 40-point quarter this season, but we moved the ball well and made shots. Both teams are hard to guard and both teams can score points. We got hot there in the second.''

Bisan og wala makaduwa ang ilang labing maayong wing defender nga si Kawhi Leonard, gamay ra kadto'y epekto alang sa ilang kapildehan tungod kay mi-iskor og 23 puntos si Tony Parker ug may walo sab ka assists sa iyang pagbalik samtang si Leonard may gipamati sa iyang ngipon.

''Well, I'm sure we'd like to have Kawhi, but that happens to every NBA team at some point in the season. You don't lose just because of that. We would have loved to have  him, but they played better than we did tonight for more of the game,'' matod pa ni Spurs coach Gregg Popovich.

Ang depensaan unta ni Leonard nga si Kevin Durant, igo lang mi-iskor  og 17 puntos sa iyang 6 for 14 gikan sa field.

Apan silang Westbrook ug ang reserve guard nga si Reggie Jackson maoy mitubos kang Durant ug walay nakakuha kanila. Si Jackson miposa og 21 puntos uban sa iyang upat ka assists ug may usa lang ka turnover sulod sa 30 minutos.

Bisan gani si Parker mi-angkon nga naglisod sila pagpugong kang Jackson ug bisan nahibawo silang mo-iskor gyud silang Westbrook ug Durant, dili sila makatugot nga ilang pa-iskoron og dako si Jackson kinsa maayong nakaduwa sulod sa duha ka higayon batok sa Spurs.

Wala na mabiyai og usab ang Thunder human sa reverse lay-up ni Jackson sa iskor, 21-19 sa nahibiling usa ka minuto sa first quarter.

Ang Spurs midaug na og unom sa pito ka duwa apan wal sila makarekober kagahapon batok sa Thunder.

Sa laing duwa, midaug ang Golden State batok sa L.A. Lakers, 102-83 apan midaug ang L.A. Clippers batok sa Denver, 112-91, midaug ang Memphis batok New York, 95-87, midaug ang Houston batok sa Detroit, 114-97, midaug ang Washington batok sa Boston, 106-99, nakaipsot ang Portland batok sa New Orleans, 110-107, gilubong sa Phoenix ang Dallas, 123-108, midaug ang Milwaukee batok Philadephia, 116-106, midaug ang Chicago batok sa Cleveland, 100-84, nabihag sa Utah ang Charlotte, 88-85 ug na-upset sa Sacramento ang Orlando, 1105-100. (GGM)(FREEMAN)