As-Es (BAR) Barakos balik na sa ilang praktis

CEBU, Philippines -  Gipahibalo sa mga nagdumala sa As-Es (BAR) "Barakos" nga nibalik na pagpraktis ang mga players sa ilang ballclub matag adlaw'ng Lunes ug Huwebes gikan sa alas-7 hangtod sa alas-9 sa gabii diha sa Cogon Ramos gym, ning siyudad.

 Nahunong ang praktis tungod kay ang maong gym  gihimong temporaryong pinuy-anan sa mga bakwit gikan sa  Tacloban ug Leyte nga nabiktima sa bagyong "Yolanda" niadtong Nobiyembre 8.

 Karong Lunes, Disyembre 23, himuon ang unang praktis sa As-Es (BAR) "Barakos" ug inig  human isunod dayon ang ilang Christmas Party diha gihapon sa Cogon Ramos gym.

 Niadtong gustong magpa-miyembro sa grupo, pakigkita lang ni Adlaon Brgy. Capt. Elvis Narra, Richard Regidor, Reynold 'Barako' Zamora ug Noel Godiz. (PR)(BANAT NEWS)