SHS-AdC midagit duha ka titulo sa CYBL

 CEBU, Philippines - Gidagit sa Sacred Heart School-Ateneo de Cebu (SHS-AdC) Magis  Eagles ang korona   sa Under-10 ug Under-15 divisions sa bag-o lang natapos nga CYBL basketball tournament didto sa Magis Eagles Arena sa Canduman Campus, Mandaue City.

 Ang Magis Eagles mibihag sa University of San Carlos (USC)-North aron madagit ang Under-10 title sa pagpangulo ni Aaron Abunawan, kinsa miiskor og 23 puntos, diin 14 niini gikan sa third period.  Si Uriel Avila miamot og siyete puntos, samtang si Joseph Dytian mitampo'g  sayes puntos nga daan nang naglabaw atol sa halftime ug didto na biya-i sa Magis Eagles ang USC sa katapusang singko minutos sa duwa, 45-38.

 Gisakmit sab sa Magis Eagles ang titulo sa Under-15 division pinaagi sa pagpilde sa University of the Visayas (UV)-B sa iskor nga 42-37.

 Sikit ang maong duwa gikan sa sinugdanan ug wala gyud molabaw og daku ang SHS-AdC bisan kanunay silang naglabaw. Katapusang misikit ang UV-B sa iskor, 35-36 sa katapusang tres minutos sa duwa.