Tutor, Magbulogtong nidominar sa Ignatian Hero Run

CEBU, Philippines -  Ang veteran Cebuana runner nga si Christy Sevilleno-Tutor ug Jiboy Magbulogtong maoy nidominar sa tagsa-tagsa nila ka division sa Ignatian Hero Run kagahapon didto sa Sacred Heart School-Ateneo de Cebu (SHS-AdC) grounds.

 Si Sevilleno maoy unang milabang sa finish sa oras nga  46:07 aron masakmit ang 10K women’s class title,  nagsunod sila si Sandra Sollano (46:08) ug Malou Shimizu  (51:41) alang sa ikaduha ug  ikatulong dapit.

 Sa iyang bahin, si Magbulogtong mao sab ang naghari sa men’s division human  niya gitapos ang dagan sud sa 36 minutos ug 47 segundos. Si Desiderio Engbino mitapos sa ikaduha sa oras nga 37:31, gisundan ni Joe Vacan  sa oras nga 37:48.

 Si  Nice  Serelo maoy midaog  sa  5K  women's  class  sa oras nga 28:46, gisundan nila ni Almelyn Rosales (29:10) ug Desiree Salas (29:14).

 Nag-una sab si Joland Olmilla  sa 5K men’s class sa oras nga 17:59, nagsunod sa ikaduha si Regie Magbulogtong   sa oras nga 18:18.

 Ang triathlete nga si Yuan Chiongbian maoy labing kusog sa 3K category sa oras nga 21:26, samtang sila si Craig Uy (13:59) ug Kim Yosong (14:59) maoy mipahiluna sa  ikaduha ug ikatulo nga dapit. (BANAT NEWS)