Petecio lalaban sa gold medal NAYPYITAW

NAYPYITAW -- Umabante si featherweight Nesthy Petecio sa gold medal round matapos umiskor ng 40-36 panalo kontra kay Tassamalee Tsongjan ng Thailand sa kanilang wo­men’s semifinal match sa 27th Southeast Asian Games kahapon dito sa Wanna Theikdi Stadium.

Niresbakan ni Petecio si Tsongjan na tumalo sa kanya sa Asian Indoor Games sa Vietnam noong 2010.

Makakatapat ni Petecio para sa gold medal si Nwe Ni Oo ng Myanmar sa Hu­webes.

Nauna nang nakatiyak ang Pilipinas ng pitong bronze medal matapos ma­­kakuha ng bye ang lima sa 10 local pugs sa boxing com­petition.

Ang mga nakakuha ng bye patungo sa semifinals ng kani-kanilang mga weight divisions ay sina fly­­weight Rey Saludar, ban­­tamweight Mario Fer­nan­dez at middleweight Wilf­redo Lopez sa men’s di­vision at sina flyweight Ma­­ricris Igam at bantamweight Irish Magno.

Awtomatikong nakapa­sok sa semis sina light fly­weight Josie Gabuco at Pe­tecio dahil sa kakula­ngan ng entries.

Itinala ni 2011 Palembang SEA Games gold me­­dalist Dennis Galvan ang kanyang unang panalo ma­­tapos igupo si Ratha Svay ng Cambodia.