Falcons, Bulldogs magsasakmalan para sa krusyal na panalo

MANILA, Philippines - Magpapatibayan ang Adamson at National University, habang knockout game ang sasabakan ng apat na mauunang magla­laro sa pagpapatuloy nga­yon ng 1st PSC Chairman’s Baseball Cup sa Rizal Memorial Diamond.

Ang mananalo sa pa­gitan ng Falcons at Bulldogs sa alas-12 ng tanghali ay mananatili sa winner’s group habang ang matatalo ang bababa sa one-loss side.

Double-elimination ang format ng kompetisyon at mangangahulugang ito na ang mga koponan na may dalawang talo ay mamamaalam na.

Parehong may 2-0 bara­ha ang Adamson at NU kaya’t tiyak na maganda ang aksyong matutung­hayan.

Samantala, magtutuos ang UP at La Salle Zobel sa unang laro sa ganap na alas-8 ng umaga bago sundan ng pagkikita ng Rizal Technological University at Philippine Air Force dakong alas-10 ng umaga at ang mga mananalo ay patuloy na lalaban sa liga.

Pare-parehong may 2-1 karta ang apat na koponang nabanggit kaya’t gagawin nila ang lahat ng makakaya para makaiwas sa agarang pahinga.