White nakalingkawas sa SRP Sunday Club cagefest

CEBU, Philippines -  Nakalingkawas ang White team gikan sa peligrosong sitwasyon batok sa defending champion Blue team, 70-67 sa nagpadayong

duwa sa SRP Sunday Club Christmas League 2013 basketball tournament sa miaging adlaw didto sa San Roque Parish gym sa Brgy.

Subangdaku, dakbayan sa Mandaue.

 Ang tandem nilang ex-UV Green Lancer cager Rene Grafe ug Robert Sagayno maoy miluwas sa White team. Nagkumboya sila'g

otso puntos sa final period  aron tunolan ang White  og  69-65 nga bentaha sa nahabiling 21 segundos sa duwa.

 Gidominar sa Blue ang unang duha ka kuwarter hangtod nga si Grafe mihimo'g basket sa himalatyong oras sa second period

aron ilogon ang momentum sa halftime, 38-37.

 Sa pagpangulo sa "the veteran" nga si Johnny Labares, nakuha pagbalik sa Blue ang labaw, 47-40, apan si Primitivo Zabate

mitusak og upat ka sunod-sunod nga puntos alang sa White nga mikitkit sa bentaha, 47-44 sa third period.   Nakan-an

pa ang labaw ngadto na lang sa usa ka palito human sa tira ni BPI collector Glen 'Dodod'  Colina sa iskor nga  46-47.  Si  Colina mao sab ang

responsabli  pag-inat sa labaw sa White, 58-49 sa nanghinapos nga bahin sa  maong kuwarter.

 Nakatabla ang Blue kortesiya  ni  Ramon  Fontanosa, 61-all  sa  katapusang  5:30 sa fourth period. Gumikan niini, misalida  pag-

usab   sila  si   Grafe ug Sagayno aron mapanalipdan ang ilang limpyo nga rekord.

 Ang White nga nagbitbit og 3-0 nga baraha, gipangulohan ni Amay Ortiz, kinsa miiskor og 13 puntos, gisundan ni Grafe nga

adunay 12 puntos. Ang bigman nga si Alex Cabase miamot og 11 puntos, samtang sila si Sagayno, Colina ug Zabate mikabkab og otso

puntos matag usa.

 Si  Fontanosa mao sab ang nangu sa Blue team pinaagi sa iyang 13 puntos, lakip na ang duha  ka  triples, samtang si Arnel

Colanse miabuno'g 12 puntos.

 Sa laing duwa, ang team Violet walay puangod nga milubong buhi sa Red team, 85-41 aron morehistro og 2-1 win-loss record.

 Gipangulohan ang kadaugan ni Benjie Pelarios nga mibugwak og 23 puntos. Ang idlas nga si Bernard Arreglo mipupo'g 21

puntos, gisundan ni Dio Migallen sa iyang 18 puntos ug Ronnie Alvarado nga adunay 11 puntos.

 Gibanatan dayon sa team Violet ang undermanned nga Red team sa pagpangulo ni Pelarios, kinsa mihakot og 13 puntos sa first

period aron moposte'g 28-12 nga bentaha paghuman sa maong kuwarter.

 Mitubo pa ang labaw sa Violet ngadto sa 70-31 wala pa ang ilang makabungog nga kadaugan.

 Si Mariano Dialogo mipupo'g 11 puntos, samtang si Rey Narte miani'g 10 puntos uban ang tulo ka tres alang sa Red team nga

nagbitay sa kinailawmang bahin sa standing uban sa Black team sa managsamang 0-3 win-loss records.

puntos matag usa

Unang duwa:

 VIOLET (85) - Pelarios 23, Arreglo 21, Migallen 18, Alvarado 11, Pilapil 4, Amora 4, Caballero 4, Ouano 2

 RED (41) - Dialogo 11, Narte 10, Labastida 8, Hortelano 8, Bacatan 4

Ikaduhang duwa:

 WHITE (70) - Ortiz 13, Grafe 12, Cabase 11, Sagayno 8, Colina 8, Zabate 8, Abatayo 4, Cabcaban 4, Sancija 3

 BLUE (67) - Fontanosa 13, Colanse 12, Orendain 9, Labares  8,  Anghay  8, Lipogpog 4, Gonzaga 4, Povadora 4, Castañeda 2,

Postell 2, Alesna 2 (BANAT NEWS)