Dionson nanghawod sa bulan sa October sa CEPCA monthly qualifying

CEBU, Philippines -  Giharian ni  Maggi Dionson  ang October edition sa Cebu Executives and Professionals Chess  Association (CEPCA) monthly

qualifying tournament sa miaging semana didto sa Handuraw Pizza sa Gorordo Avenue, ning siyudad.

 Si Dionson, kinsa usa ka Geodetic engineer ug ingon man usa ka real estate broker ug examiner nagtabla uban nilang Peterson

Sia ug Domy Pialan sa managsama nilang 4-0 puntos paghuman sa 5-round Swiss system competition, apan si Dionson maoy miangkon sa

unang dapit pinaagi sa higher tie-break output.

 Giharos ni Dionson ang unang upat niya ka mga duwa batok ni CEPCA founder Boy Pestaño, Mark  Cabarrubias, Mike

Banibane ug Pialan sa wala pa masugamak ngadto ni Sia   sa  iyang  katapusang duwa.

 Gumikan kay silang Dionson ug  Sia kuwalipikado na sa final, si Pialan, usa ka electrical engineer, awtomatik nga nahimong

October qualifier tungod sa iyang pagpahiluna sa ikatulo nga dapit.

 Ang ikaduha ug ikatulo nga dapit nakuha sa umaabot nga CEPCA president nga si Jerry Maratas ug Randy Cabuncal nga

parehong adunay 3.5 puntos.

 Busa, sila si Dionson ug Sia nauban nilang lawyer Jong Melendez, NM  Arnold Cadiz, Percival  Fiel,    Manuel   Abucay, Jun 

Kidlat,  Rey   Flores, Freddie Casagan ug Harrison Chua  ngadto  sa  grand  finals nga gikatakda karong Disyembre sa wala pa matino nga

binyu.

 Ang mga duwa gidumala ni CEPCA sports committee chairman Jun Olis ug FIDE Arbiter Marvin Y. Ruelan. (BANAT NEWS)