UV Lancers abante semis

CEBU, Philippines - Gitagak sa University of the Visayas (UV)  Green Lancers ang ilang karibal sa Cebu Schools Athletic Foundation  Inc. (CESAFI) 

University of San Carlos (USC) Warriors pinaagi sa pag-iskor og  76-54 nga kadaugan  aron moabante sa semifinals sa UniGames

kagahapon didto sa Bacolod City.

 Ang  13th CESAFI champion nga UV Lancers, makigtakus pag-usab sa Ateneo Blue Eagles-Team B karong adlawa sa

semifinals.

 Sa miaging adlaw, ang  Lancers mibuntog sa  Eagles sa iskor nga  94-84, apan mas krusyal karon ang ikaduha nilang panagbagat

tungod kay ang modaog kanila mao may moabante sa finals.

 Ang laing sangka sa semifinals mao ang  UAAP runner-up University of Sto. Tomas (UST) Growling Tigers  batok sa National

University (NU) Bulldogs  diin moabante sab sa finals ang modaog.

 Miabante sa semifinals ang Ateneo-B human sab nila gipalagpot ang host  West Negros University sa iskor nga 79-71.

 Kusog ug kapaspas ang gigamit nga hinagiban sa Lancers   pagtiklo sa Warriors.

 Silang Alfred Codilla ug John Abad  maoy nangu sa opensa sa  UV  Lancers sa  ilang 16 ug 12 puntos matag usa , samtang laing

tulo ka kauban pulos sab miiskor og double figures.

 Sila si Steve Cedrick Akomo ug Francisco Arong  parehong mitikdol og  11 puntos, samtang si  Hernal 'Wowie' Escocio

mitimang   og 10 puntos.

  Buot untang dominahon sa Warriors ang undergoal, apan wala maka-arte si Ahmed Salihou tungod kay gipuli-pulihan siya'g

guwardiya nilang Akomo ug Escocio.

 Si Salihou maoy nangu sa Warriors sa iyang 12 puntos, gisundan ni Victor Rabat nga adunay 10 puntos.

 Human sa UniGames, ang UV Lancers mangandam sab  dayon alang sa mas importanteng torneyo,  ang Philippine Collegiate

Champions League (PCCL) diin  damgo ni Belano nga modaog og korona.

 Ang PCCL sugdan karong Nobiyembre 9 diin ang UV Lancers segurado nang nakakuha og lingkoranan   alang sa Visayas

Island phase. Apan makigsangka pa gihapon sila batok sa ilang runner-up  Southwestern University (SWU) Cobras diin ang modaog maoy

makakuha’g  pasaporte alang sa PCCL Sweet 16.

 Ang Warriors sa laing bahin, adto mopailawom sa elimination phase didto sa Ormoc City. (BANAT NEWS)