Eagles nag-una karon sa IBP basketball tourney

CEBU, Philippines -  Naka-eskapo ang  Eagles   batok sa  Pecandela Law Firm, 75-72 sa 11th Integrated Bar of the Philippines (IBP) 2013 basketball tournament niadtong Sabado didto sa Capitol Parish gym sa dan N. Escario, ning dakbayan.

 Milabaw ang Pecandela, 19-9 sa first period sa paningkamot ni Tommy Yu ug namintinar nila ang double digits nga bentaha sa third period ning higayona uban nilang Francis Pepito ug Sam Malazarte aron moposte'g 11 puntos nga abante, 56-45 paingon sa fourth quarter.

 Hinuon, ang Eagles ni Atty. Kit Enriquez hinay-hinay nga mi-rally sa katapusang singko minutos hangtod nga nabihag nila ang Pecandela. Sila Marvin Miralles, Al Lagahit ug Ian Santos maoy responsable sa 30-16 run sa Eagles nga nagsolo karon sa liderato sa ilang 3-0 nga baraha.

 Sa sayo pa, ang Los Demonyos ni coach Norwin Honoridez mipilde sa Primos-Rama, 63-57 alang sa ilang ikaduhang daog sud sa tulo ka duwa.

 Silang Lito Ortiz ug Bads Del Prado maoy nangu sa Los Demonyos sa ilang 12 puntos matag usa, samtang  silang Art Flores ug Richard Bauzon nagkumboya og 21 puntos.

 Si Cebu City Mayor Michael Rama ug Rex Mangubat mao usab ang nangu sa Primos-Rama sa ilang 14 puntos matag usa.

 Sa laing duwa, ang YLAC ni Cris Ang midaog batok sa Dissenters, 77-69.

 Ang YLAC gipangulohan nilang Ang ug Ivans Verallo kinsa parehong miposa og 16 puntos,  samtang ang Dissenters gipangulohan ni kanhi UC Webmaster skipper Kenneth Kern Sesante, kinsa mikadlit og 25 puntos.

 Midaog ang Super Idols ni coach Bong Pepito batok sa defending champion Pañeros sa iskor nga  65-59.

PUNTOS MATAG USA

Unang duwa:

 EAGLES (75) - Miralles 29, Lagahit 15, Santos 14, Fornolles 7, Abcede 6, Canta 4

 PECANDELA (72) - Yu 17, Fr. Pepito 16, Pacuribot 10, Malazarte 10, Capoy 10, Gamallo 4, Godornes 3, Avila 2

Ikaduhang duwa:

 DEMONYOS (63) - Del Prado 12, Ortiz 12, Flores 11, Bauzon 10, Dumon 7, Riveral 6, Bragat 3, Narido 3

 PRIMOS (57) - Mayor Rama 14,  Mangubat 14, Limalima 8, Ml. Rama 6, En. Rama 5, Paduga 4,  Lopez  4, Geotina 2

 YLAC (77) -  Verallo 16, Ang 16, Hupp 15, Guieb 11, B. Velez 10, Remedio 9

Ikatulong duwa:

 DISSENTERS (69) - Sesante 25, Mabanag 9, M. Velez 8, Olingay 6, Garcia 6, Amores 5, Asis 4, Rosal 2, Sarno 2, Gomoz 2

Ikaupat nga duwa:

 IDOLS (65) - Macion 17, R. Quijano 14, Salubre 12, Arrabis  11, Piquero 6, Elmido 5

 PAÑEROS (59) - Sojorn 16, Busi  15,  Juban  9,  Balorio 7, Molde 6, Cabilte 3, Calipayan 3