Power forty all star game gipakyaw sa yellow

CEBU, Philippines - Mikulit og double victory ang Yellow Team batok sa Green Team atol sa pagpahigayon sa tinuig nga Power Forty All Star Game kaniadtong Biyernes sa gabii didto sa Inayawan Sports Complex.

Naka-ipsot ang Yellow sa primerong duwa, 71-70 sa 50 years above division apan ang mas batan-ong Yellow yanong milampurnas sa Green sa 40 years above division, 115-91.

Balanse kaayo ang scoring sa Yellow ug Green sa 50 above ug didto lang sila magligas og usa ka lugas pinaagi sa gitawag  og lucky break.

Upat ka players sa Yellow ang miposa og double figures nga gipangulohan ni Carding Vernaiz sa iyang 12 puntos samtang tulo ka players sa Green ang mibahug og double figures nga naglakip kanilang Michael Arias ug Jingjing Rama kinsa mihimo'g 16 ug 15 puntos matag usa ug si Edwin Dejacto midugang og 12 puntos.

Silang Atty. Flor Yosores, Vez Eeleguin ug Gideon Bughao pulos midugang og 10 puntos matag usa alang sa Yellow sa 50 years above division.

Sa laing bahin, nagmangtas si Wewe Cabrera kinsa maoy nangu sa opensa sa Yellow sa 40 years above sa iyang 27 puntos samtang midugang og 22 puntos si Alex Mercado.

Ang Green team gipangulohan ni Robert Abasolo kinsa miburak og 31 puntos ug si Rama miabuno ug 23 puntos. Tungod kay kaduha man siya moduwa sa All Star nianang adlawa, nakuhaan ang iyang puntos alang sa 50 years above division.

Atol sa maong All  Star Game, gipahigayon sab ang awarding sa mga cash prizes ug trophies sa miaging President's Cup dili pa lang dugay diin maoy champion ang Park 'N Go Bakeshop ug nakadawat og ganting singko mil pesos samtang ang second placer nga HLY-Friends ni Atty. Yosores nakadawat og kuatro mil pesos. Ang AMBL ug Water Market miuli bitbit ang tres mil ug dos mil pesos matag usa isip third placer ug fourth placer sa maong torneyo.

Puntos matag usa:

First Game: (50 above)

Yellow (71)— Vernaiz 12, F. Yosores 10, Eleguin 10, Bughao 10, Villaner 8, Navares 5, Ozon 3, Ungria 2.

Green (70)— Arias 16, J. Rama 15, Dejacto 1, Abarquez 6, Samson 5, R. Rama 4, Labalan 4, Kalinga 2, Dela Rama 2, Mosqueda 2, Ramil 2.

Second Game:

(40 above)

Yellow (115)— Cabrera 27, Mercado 22, Ebrado 19, S. Yosores 11, isa 11, Fuentes 10, Veloso 9, Cabatas 8.

Green (91)—  Abasolo 31, J. Rama 23, Cañete 14, Navares 13, Cabaluna 4, Abellanosa 4, Mabalcon 4, Echavez 2. (BANAT NEWS)